Transcription
1
Messeigneurs, despuys celle que je vous ay script este nuict
2
bien ample, nous avons receu novelles que lennemy a bruslé
3
ou mis le feu à Barathier et soint venus à Saint André, veullent
4
venir à Guilhestre ou bien plus tost en ceste ville. Ceulx de
5
Freysinières foint fère ung pont entre eulx et La Roche pour
6
passer la rivière. Ilz tiennent tous bridés ceulx dudit lieu et
7
le chemin despuys La Besser jusques Ambrun et nest en nostre
8
puyssance les en enpecher, comme bien scaict monseigneur de votre
9
compagnie, monsieur le consellier Emé, encorres que nous
10
soyons plus en peyne à present que navons estés ces derniers
11
troubles et que lennemy se prepare nous en donner devantaige,
12
comme je vous ay script et bien souvant. Je ne scay sy quelques uns
13
de nous paquetz se perdronnt par les chemins à Secheliennes ou
14
ailleurs, auquel cas monsieur du Vaujany porroict remedier
15
[les] faisant passer par les montaignes. Nous avons prou faict
16
[déchiré] des gens du pays en ceste ville pour repoulcer lennemy.
17
[bien est] vray que ung peu destrangiers experimentés au faict
18
de la guerre conduyronnt encor mieulx la barque, ce que
19
ne dezire aultre choze le cappitaine Ferrus et nous aussy.
20
Ilz luy servyroint de beaucop. Ceulx de Molines ont fermé
21
le blé aux catholiques. Ceux de Château dalphin ont faict
22
mo[n]stre denviron six cens arquebuziers sans les aultres
23
et ont despendu ceux mil escus pour se armer comme mest venu
24
rapporter ung quy sen doict aller en votre ville de Grenoble. Sy les
25
aultres de ceste ville y vont, et ma deict quilz nausent scripre
26
ne porter lettres par ledit lieu de Mollines et au tour et pource
27
ne me en a point porté. Les adversères dudit Molines ont treuvé
28
deau dans leur eglize quilz ont bien fortiffiée, come plus
29
à plain vous tesmoinera celluy dudit Chateau Dalphin
30
[324 v°] qui la veue en passant. Lesditz adversères houstarent
31
ung prisonnier à caze du larrecin à la justice de Queyras.
32
Il vous plera commander à tous ceulx que nous peuvent
33
ayder se tenir prestz pour nous secourir au bessoing auquel
34
nous tumbons dheure à aultre. Il seroict bien bon den
35
travalher lennemy dung aultre cousté pour rompre son
36
choc de laultre comme nous dezirerions très tous avec
37
layde de Dieu, le quel pour fin de la presente, actandu
38
que avant vous ay amplement script, je prieray vous
39
donner,
40
messeigneurs, en prosperité, vie longue. De Briançon, ce XXVIe
41
febvrier 1574.
42
Votre très humble et obeyssant
43
serviteur
44
Chalhol.